උසස් පෙළ සදහා නව පාසලට ඇතුළු වූ මුල් දිනවල තිබූ පාළුව හා තනිකම දැන් නැත. ඒ මා මෙන්ම වෙනත් පාසැල් දෙකකින් පැමිණි සිසුන් දෙදෙනෙකු වන චාමර හා කල්ප මා සමග හොදින් මිතුරුවීම නිසාය. මුල් දිනවල නම් මෙය එපාම කරපු තැනක් වන්නට වූයේ පාසැලේ පැරණි සිසුන් රැග් කරන්නට තියාගත් නිසාය. නමුත් තත්ත්වය සාමාන්යවී ඔවුන් මගේ හොද මිතුරන් වන්නට එතරම් කාලයක් ගතවූයේ නැත.
කලා විෂයන් සිතූ තරම් අපහසු නොවූවත් දේශපාලන විද්යාවට හා ආර්ථික විද්යාව විෂයන්ට අමතර පන්තිවලට සහභාගි නොවීම බැරිය. තවද මම උසස් පෙළ සදහා පාසලට ඇතුල්වූයේම මාස 03ක් ප්රමාද වී බැවින් අතපසුවූ සටහන් තොගයක්ම ආවරණය කර ගැනීමට ඇත. ඒ නිසා මේ දිනවල වෙහෙස මහන්සි වී වැඩ කිරීමට සිදුවීම හිසරදයක් වෙන තරමටම දැන් පැමිණ ඇත. වැඩිපුර සටහන් ලබාදී ඇත්තේ දේශපාලන විද්යාවෙන් නිසා අතපසුවූ කොටස් ලියා ගැනීමට කල්පගේ දේශපාලන විද්යාව පොත ඉල්ලා සිටිය විට එය ලබාදෙනවා වෙනුවට ඔහු කලේ මාධවී නැමැති ගැහැණු ළමයෙකුගේ පොතක් ඉල්ලා දීමය.
"ඌ උඹට උගේ පොත නුදුන්නෙ අවුලකට නෙවෙයි, ලැජ්ජාවට..."
චාමර කියූ දෙය මට වැටහුනේ නැත.
"ඒ මොකද බං ඒ ? "
මම ඇසුවෙ පුදුමයෙනි.
"උගේ අකුරු ඌ කියවන්නෙත් පුදුම දුකක් විදලා, ඒකයි..."
මාත් චාමරත් ඇති තරම් සිනාසුනි.මට කාරණය වැටහුනේ එවිටය.
පාසලට ආ මුල් දිනයේම දුටු රැවක් මගේ සිතේ තදින්ම සටහන්වූ බවනම් කිව යුතුමය. විදුහල්පතිතුමාගේ කාර්යාල කාමරයෙන් එළියට එනවිටම දකුණුපස ඇති රෝස පාත්තිය අසලින් ඇය ආ හැටි සිහිවන හිතට දැනෙන්නේ අමුතුම හැගීමකි. පාත්තියේ ලා රෝස මලුත් ඇගේ මුහුනත් අතර එතරම් වෙනස්කමක් නොතිබුනේය. ඇය කෙතරම් තදින් මගේ සිතේ ඇදුනත් කාරණා කිහිපයක් නිසා ඇය ගැන සිතීම මම ඇතහැර දැමීය.
එයින් ප්රධානම හේතුව වූයේ අපමණ වෙහෙසක් දරා සමත්වූ සාමාන්ය පෙළ විභාගයෙන් පසුව ලැබූ උසස්පෙළ වරම විශ්ව විද්යාලයෙන් කෙලවර කරගැනීමට මම ඉටාගෙන සිටි නිසාය. මගේ දුප්පත් අම්මා අප උස්මහත් කිරීමට විදි දුක් කන්දරාව මම දෑහින්ම දැක තිබුණි. ඇයට දුකක් එන කිසිම දෙයක් කිරීමට මට හිත හදාගැනීමට නොහැක. ඒ නිසා අනවශ්ය සබදකමක් මාව මගේ අරමුණු වලින් ඈත්කිරීමට ඉඩ ඇත. අනෙක් කරුණ නම් මා තවම මේ පාසැලට අලුත්ය. මෙවැනි දෙයක් නිසා පාසැල තුළ මා අපහසුතාවයට ලක්වීමට ඇති ඉඩකඩ වැඩිය. අනෙක් කාරණා කෙසේ උවත් ඇය වැනි සුන්දර යුවතියකට පෙම්වතෙක් නැතැයි සිතිය නොහැක. නමුත් හිත හදාගන්නට නොහැකිවූයේ ඇයද කලා පන්තියේ සිසුවියක බව දැන ගැනීමෙන් පසුවය.
******************************************************
පාසලේ කලා උළෙල පැවැත්වීමට තව ඇත්තේ දින දෙකකි. එබැවින් මේ දිනවල පන්තිය තුළ ඇත්තේ කළබලකාරී ස්වභාවයකි. කලා උළෙල නිසා ඉගැන්වීමේ කටයුතුද නොකෙරෙන බැවින් මදක් සැහැල්ලුවෙන් විනෝදයෙන් මේ දින දෙකවත් කල්ගෙවිය හැක.
කලා උළෙලේ වැඩ නිසා ගොඩක් ළමයින්ව දැන හදුනාගැනීමට අවස්ථාවක් ලැබුණි. එය මට මෙන්ම චාමරට හා කල්පටද හොද අවස්ථාවකි. දැන් දැන් අපට නව පාසලේ නුහුරු ගතිය මග හැරෙමින් තිබුණි.
සවස නතරවීමට කලා අංශයේ සියලු සිසුන්ට උපදෙස් ලැබුනේ සැරසීමේ කටයුතු රාශියක් ඉතිරිව තිබූ නිසාය. එබැවින් අප සියලු දෙනාම එකාවන්ව එම වැඩවල යෙදුනේ කලා ශිෂ්යා ශිෂ්යවන්ගේ හැකියාවන් මුළු පාසලටම පෙන්වන්නට එන හොදම දිනය එදින බැවිනි. ප්රධාන ශාලාව සැරසීම වේදිකාව සැකසීම හා පිරිසිදු කිරීමේ කටයුතු සිදුකිරීම පමණක් මේවන විට ඉතිරිව තිබුණි. මමත් තවත් පිරිමි ළමුන් තිදෙනෙකුත් වේදිකාව සැකසීමේ කටයුතුවල නිරතවුනි.
"රසාංග මේක මැදට වෙන්න දාන්න"
කියමින් මම අනෙක් පැත්ත හැරෙනවාත් සමගම කෙනෙක් මගේ නළලේ තදින් වැදුණි. ඒ ඇයයි. මා මේ පාසලේ දකින්නටම කැමතිම රුවයි. නමුත් වැදුනේ සුලුපටු වැදීමක් නොවේ. ඇයට හොදටම රිදෙන්නට ඇතිය. නමුත් මටනම් ගානක්වත් නැතිවූයේ ඇය නිසාවන්නට ඇත.මම ඇය දෙස බලාගෙනම උන්නෙමි.
"අනේ සොරි මගෙයි වරද, මම අහක බලන් ආවෙ..."
ඇය කියූවේ අසරණ තාලයෙනි.
"නැහැ නැහැ මගෙයි වරද මට සමාවෙන්න.."
ඇයට වරද බාරගැනීමට කිසිසේත් ඉඩදිය යුතු නැත.ඇය තවමත් නළල අතගාන ගමන්ය.
"තාම රිදෙනවාද? "
ඇය මදෙස බලා යන්තම් සිනාසුනි.මට එයද හොදටම ඇතිය.
"පොඩ්ඩක් රිදෙනවා.."
'කෝ බලන්න' කියා කියන්න හිතුවද එය වචන කලේ නැත.
"අයි ඈම් සොරි, මම වෙන කල්පනාවක හිටියේ.."
ඇගේ නමවත් නොදැන එතනින් එහාට කතාකිරීමට අපහසුය. ඊටත් වඩා කවදාවත් නැති විදිහට අද මට වචන පැටලේ.
"මම හිතුවා..."
ඇය කීවාය. මම තුෂ්නිම්භූත විය.
"මොකක්ද?.."
මම දෑස් ලොකුකරගෙන ඇයගෙන් ඇසුවෙමි.
"වෙන කල්පනාවක තමයි හිටියෙ කියලා..."
සිනාසෙමින් ඇය යන්නට ගියාය.වේදිකාව විශාල තිරදේද පිටුපස මේ හැලහැප්පීම් ජාලාව සිදුවූ බැවින් කවුරුත් එය දැක්කේ නැත.මට දැනුනේ පුදුමාකාර සතුටකි. ඇය සමග මෙහෙමවත් වචනයක් කතාකිරීමට ලැබීමත් කෙතරම් දෙයක්ද.
"චාපා..."
ඒ ඉරේෂාගේ හඩයි. 'චාපා' නුහුරු නමක් ඇසුන නිසා මම තිර රෙද්ද මෑත්කර බැලීය.
(මතු සම්බන්ධයි)
- නිරෝෂ් මෛති්ර -
- 2004 -
මෙතනින් (චාපා 02)
මෙතනින් (චාපා 03)
මෙතනින් (චාපා 04)
මෙතනින් (චාපා 05)
මෙතනින් (චාපා 06)
මෙතනින් (චාපා 07)
මෙතනින් (චාපා 08)
මෙතනින් (චාපා 09)
මෙතනින් (චාපා 10)
Arambaya saha kathava diga harena akaraye apurui....
ReplyDeletekauda kiyanne mama maithreeya liyana ewa kiyawanne naha kiyala. hithe athi magen berila liyanna....
ReplyDeleteditama liyapan...
Yeeeeehhhhh Jayawewaaaaaaaaaaa
ReplyDeleteහර්ෂනියා Comment කරලෝ.......
මොකා Comment කලත් වැඩක් නෑ බං උඹ මේකට Comment එකක් නොදැම්මොත්.
මම හිතුවා ඉතිං බැන්දට පස්සෙ මේවා බලන්න වෙලාවක් නෑ කියලා.
;)
ugath pemwathi tharamma honda wewa
ReplyDeleteඊට වඩානම් ගොඩක් හොදවෙයි ;)
ReplyDeletena man kiwwe ugath pemwathi wage nowewa ,"ugath pemwathi'" kathawa tharam honda wewa
Delete