Social Icons

twitterfacebookgoogle pluslinkedinrss feedemail

Tuesday, October 2, 2012

ඔහු හා ඇය




ඔහු

* පත්තරේකට නිදහස් මාධ්‍යවේදියෙක් විදිහට ලිව්වා.
* අප‍්‍රසිද්ධ සමාජවාදී කල්ලියකට සම්බන්ධ වෙලා හිටියා.
* නිතර දේශපලනික පොත් බැලුවා.
* කාර්යාලයේදීත් කියෙව්වෙ ආණ්ඩුව විවේචනය කරලා තියෙන වෙබ් පිටු, බ්ලොග් පිටු.
* දවසකට දුම්වැටි දෙකක්වත් ඉරුවා.
* ලස්සන නිසදැස් ලිව්වා.
* ඒවයෙනුත් ගොඩක් ඒවා හරි බරයි.
* ඒ වගේම ඔහු රණ්ඩුවටත් බරයි.


ඇය

* ලස්සන ඇදුම් ඇන්දා.
* උදේට දැක්කම පන්සලක් දැක්කා වගේ හිතම පිරෙනවා.
* ප‍්‍රවෘත්ති කාමරේ වැඩි බරක් ඇද්දත් ඇය කවදාවත් දේශපාලනය ගැන කතා කරන්න ආසා උනේ නැහැ.
* ඉඩක් ලැබුන හැටියෙ සින්දු ඇහුවා.
* ඔන්ලයින් ගේම් ප්ලේ කලා.
* කොණ්ඩ මෝස්තර දාන හැටි යූ ටියුබ් එකෙන් බලාගත්ත අතේ බලන් හිටියා.
* කාර්යාලය දෙක වෙන්න හයියෙන් හිනා උනා.
* කන්න කැමති උනේ 'ටිපි ටිප්' වගේ පොඩිඋන් කන්න කැමති කෑම.


හැබැයි ඇය ඔහුට ගොඩක් ආදරේ කලා. හිතාගන්නවත් බැරි තරමට.
ඒ වෙනදෙයක් නිසා නෙවෙයි, ඔහුගෙ බරයි කියලා පෙන්නන ජීවිතය යට ඉන්නෙ ඇයටත් වඩා කුඩා දරුවෙක් බව ඇය හොදාකාරවම දැනන් හිටිය නිසා...


- නිරෝෂ් මෛති‍්‍ර -
2012-10-02